REGİONLAR


İşğaldan azad edilən ərazilərdə qarğıdalı biçininə hazırlıq işləri görülür

Sədərək, 21 sentyabr, AZƏRTAC

Sədərək rayonunda işğaldan azad edilmiş ərazilərimizdə əkilən qarğıdalı sahələrində biçinə hazırlıq işləri görülür.

AZƏRTAC-ın Naxçıvan bürosu xəbər verir ki, biçinə hazırlıq məqsədilə kombaynlar, maşın və mexanizmlər saz vəziyyətə gətirilib.

Ərazilərdəki məhsuldar torpaqların suvarılması üçün müasir suvarma qurğuları işlək vəziyyətə gətirilib, 3 artezian quyusu bərpa olunub, yeni yol və elektrik xətləri çəkilib. Qarğıdalı bitkisinə aqrotexniki qulluq göstərilməsi, xüsusən də təsərrüfat suyunun bolluğu məhsuldarlığa müsbət təsir edib.

Qeyd edək ki, sərhədlərimizin etibarlı qorunması, minalardan təmizlənməsi əhalinin rahat yaşayışına və lazımi təsərrüfat işlərinin görülməsinə stimul verib. Bu gün sərhəd bölgəsində əkinəyararlı torpaqlardan maksimum bacarıqla istifadə olunur, dənli-paxlalı bitkilər, xüsusən də taxıl və qarğıdalı əkinlərinə üstünlük verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.