REGİONLAR


İşlədiyi fermada oğurluqda şübhəli bilinən şəxs saxlanılıb VİDEO

Zərdab, 31 avqust, AZƏRTAC

Zərdabda işlədiyi fermadan xırdabuynuzlu heyvan oğurluğunda şübhəli bilinən şəxs saxlanılıb.

AZƏRTAC-ın bölgə müxbiri xəbər verir ki, rayonun Körpükənd kənd sakini 1987-ci il təvəllüdlü Məmmədov Rusif Məhəmmədəli oğlu avqustun 29-da DİN-in “102 xidməti zəng mərkəzi”nə və Zərdab Rayon Polis Şöbəsinə ərizə ilə müraciət edərək, avqustun 24-də ona məxsus fermer təsərrüfatından 24 baş xırdabuynuzlu heyvanının oğurlandığı barədə məlumat verib.

Zərdab Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində Məmmədov Rusif Məhəmmədəli oğluna məxsus Körpükənd kəndi ərazisindəki fermer təsərrüfatından 24 baş xırdabuynuzlu heyvanı oğurlamaqda şübhəli bilinən şəxs - rayonun Allahqulubağı kənd sakini 1992-ci il təvəllüdlü Mahmudov Əşrəf Mahmudəli oğlu saxlanılıb.

Qeyd edək ki, Əşrəf Mahmudov 2019-cu ilin iyul ayının ortalarından bir ay müddətində həmin təsərrüfatda çalışıb.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.