REGİONLAR


İsmayılbəyli sakini Əliyev Burcu: Ağdamın azadlığı mənim üçün ən böyük xoşbəxtlikdir VİDEO

İmişli, 21 noyabr, AZƏRTAC

2020-ci il 20 noyabr tarixi - Ağdamın yağı düşməndən təmizləndiyi şanlı gün. Bu tarix təkcə ağdamlılar deyil, bütün Azərbaycan üçün qürur günüdür.

AZƏRTAC xəbər verir ki, Ağdam sakinləri öz doğma yurdlarına köçməyi səbirsizliklə gözləyir. 27 illik vətən həsrəti bitən ağdamlılar indi ən sevincli anlarını yaşayır. Ağdam sakinlərinin sevincli anını bölüşmək üçün əməkdaşımız İmişlidə məskunlaşan Ağdam sakinləri ilə görüşüb.

Ağdamın İsmayılbəyli kənd sakini Əliyev Burcu deyir ki, bizim üçün Ağdamın azad edilməsi xəbəri ən böyük xoşbəxtlik hissidir. Hər zaman arzu edirdim ki, öz doğma ata-baba yurdumda dəfn olunum. Mənim yaşım çoxdur. Ağdamdan çıxdığımız gündən bir an belə inamım itmədi. Hər zaman öz torpağımıza qayıtmaq arzusu ilə yaşadım. Bu gün Müzəffər Ali Baş Komandanın söylədiyi “Ağdam azaddır” ifadəsi bizim üçün əvəzsiz hədiyyə oldu. İndi səbirsizliklə doğma yurdumuza qayıtmağı gözləyirik. Ordumuz var olsun, Müzəffər Ali Baş Komandan sağ olsun, zəfər yürüşümüz düşmənə elə bir zərbə oldu ki, həm torpaqlarımız azad edildi, həm də şəhidlərimizin qisası alındı.

Elmira Əliyeva isə sevinc hisslərini belə ifadə edib: “Bizə bu sevincli anı bəxş etdiyi üçün sağ olsun Müzəffər Ali Baş Komandan, var olsun Ordumuz. Bizim Ağdamda yarım qalan həyatımız yenidən canlanır. Düzdür biz qaçqınçılıq dövründə də dövlətimiz tərəfindən bütün qayğı ilə əhatə olunduq, amma bizim doğma torpaq sevgimiz, həsrətimiz ürəyimizdə bir yara idi. Lakin bu yara indi sağaldı, şəfa tapdıq”.

Alnımızdan məcburi köçkün sözü silindi deyən Əliyev Füzuli indi doğma torpağına qayıtmaq üçün səbirsizlənir. Biz illərdir İmişlidə məskunlaşmışıq. Evlər tikilib, bizə lazımi şərait yaradılıb. Ancaq bu illər ərzində doğma torpağımızdan uzaq qalmaq bizə çətin idi. İndi ən xoşbəxt anı yaşayırıq. Çünki Ağdamımız yağı düşmən tapdağından azad edilib. Bu gözəl anlar üçün Müzəffər Ali Baş Komandana təşəkkür edirik, var olsun şanlı Ordumuz.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.