İsmayıllı gəncləri təmizlik aksiyası keçiriblər

İsmayıllı, 30 iyul, AZƏRTAC

İsmayıllıda “Təmiz İsmayıllı” layihəsi çərçivəsində bir araya gələn gənclər növbəti təmizlik aksiyası keçiriblər.

AZƏRTAC-ın bölgə müxbiri xəbər verir ki, aksiya şəhərin Əliağa Vahid küçəsində təşkil olunub. Belə ki, bir neçə gənc küçəboyu səki və dalanlarda sellofan torbaları, plastik və şüşə qablarını, eləcə də digər tullantıları yığaraq ətrafı təmizləyiblər.

Qeyd edək ki, “Təmiz İsmayıllı” layihəsində məqsəd insanların ətraf mühitin mühafizəsinə münasibətini dəyişmək, onların diqqətini ekoloji problemlərin həllinə yönəltmək, xüsusilə yeniyetmələrdə ekoloji mədəniyyəti formalaşdırmaqdır.