REGİONLAR


İsmayıllıda 10 min 200 hektar sahədə payızlıq taxıl əkilib

İsmayıllı, 30 oktyabr, AZƏRTAC

İsmayıllı rayonunda payızlıq taxıl səpini davam edir və artıq 10 min 200 hektarda əkin aparılıb.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari mövsümdə 30 min hektarda payızlıq taxıl əkini nəzərdə tutulub. Artıq 29 min hektarda şum çıxarılıb və bu iş davam etdirilir.

Əkində yüksək kondisiyalı toxumlardan istifadə olunur, səpin fosforlu gübrə ilə birlikdə aparılır. Fermerlər və fiziki şəxslər payızlıq əkinin aqrotexniki qaydada aparılması üçün maksimum səy göstərirlər. Bu mühüm kampaniya hər yerdə mütəxəssislərin nəzarəti altında davam etdirilir. Hazırda hər gün sahələrə 100-dək texnika çıxarılır. Rayonun şimal dağlıq zonasında yerləşən Sulut və Xankəndi kəndlərində artıq əkin başa çatıb. Qoşakənd, Quşencə, Təzəkənd ərazilərində isə bu iş yaxın günlərdə yekunlaşacaq.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.