REGİONLAR


İsmayıllıda 8 min ailəyə Qurban payı verilib

İsmayıllı, 20 iyul, AZƏRTAC

İsmayıllıda iyulun 20-də dini ayinlərin icrası ilə başlanan Qurban bayramında dövlətimizin firavanlığı, tərəqqisi, xalqımızın rifahı naminə dualar edilib, bayram namazı qılınıb, qurbanlar kəsilib. Azərbaycanın müstəqilliyi və ərazi bütövlüyü uğrunda canlarından keçən şəhidlərimizin xatirəsi ehtiramla yad edilib.

AZƏRTAC-ın bölgə müxbiri xəbər verir ki, İsmayıllı Rayon İcra Hakimiyyətinin təşkilatçılığı ilə yaradılan qruplar vasitəsilə bayram münasibətilə şəhid ailələrinə, Qarabağ müharibəsi veteranlarına, əlillərə və aztəminatlı ailələrə Qurban payı verilib. Bayram münasibətilə Qurban payı İsmayıllı şəhəri üzrə 2000 ailəyə, 105 yaşayış məntəqəsini əhatə edən 37 inzibati ərazi dairəsi üzrə nümayəndəliklərdə isə 6 min nəfərədək ailəyə ümumi çəkisi 7 tona yaxın qurban payı çatdırılıb.

Qeyd edək ki, Qurban bayramı günlərində Qurbanlıq heyvanların kəsimi və satışı İsmayıllı şəhərinin Heydər Əliyev prospektindəki “Yaşıl market” ticarət kompleksində təşkil olunub. Burada əhalinin rahatlığı üçün hər cür şərait yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.