REGİONLAR


İsmayıllıda baş verən yanğın söndürülüb

İsmayıllı, 22 noyabr, AZƏRTAC 

Bu gün səhər saat 7 radələrində İsmayıllı şəhərinin kərpiczavod adlanan ərazisindəki sahibkar Ramal Səfərova məxsus taxta emalı sexində və sexə bitişik heyvandarlıq fermasında baş verən yanğın söndürülüb.

Rayon fövqəladə hallar komissiyasından AZƏRTAC-ın bölgə müxbirinə bildirilib ki, 22 kub taxtanın olduğu sexin və 30 ton otun qapalı yerlərdə olması yanğınsöndürənlərin işini son dərəcə çətinləşdirib. FHN İsmayıllı rayon Yanğından Mühafizə Hissəsinin 30 nəfər şəxsi heyəti 3 yanğınsöndürən maşının köməyi ilə yanğının söndürülməsinə xeyli vaxt sərf edib. Nəhayət, axşamüstü saat 17 radələrində yanğın tam söndürülüb.

Hazırda hadisənin səbəbləri araşdırılır, habelə dəymiş zərər müəyyənləşdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.