İQTİSADİYYAT


İsmayıllıda inşa olunan yeni xalça istehsalı emalatxanası binasının tikintisinə baxış olub

Bakı, 16 mart, AZƏRTAC

Prezident İlham Əliyevin 27 avqust 2018-ci il tarixli Sərəncamı ilə İsmayıllı rayonunda yeni xalça istehsalı emalatxanasının tikintisi, avadanlıq və dəzgahlarla təchizatı və infrastrukturunun yaradılması məqsədilə Azərbaycan Respublikasının 2018-ci il dövlət büdcəsində nəzərdə tutulmuş Prezidentin ehtiyat fondundan “Azərxalça” Açıq Səhmdar Cəmiyyətinə 2,4 milyon (iki milyon dörd yüz min) manat vəsait ayrılıb. Ötən ilin sonlarında İsmayıllıda “Azərxalça”nın yeni filial binasının tikintisinə başlanılıb. Martın 15-də “Azərxalça” Açıq Səhmdar Cəmiyyəti İdarə Heyətinin sədri Vidadi Muradov İsmayıllıda tikinti işlərinin gedişi ilə maraqlanıb.

“Azərxalça” ASC-nin mətbuat xidmətindən AZƏRTAC-a bildirilib ki, “EL-SEYM İnşaat” Məhdud Məsuliyyətli Cəmiyyəti tərəfindən inşa edilən binada tikinti-quraşdırma işləri sürətlə davam etdirilir. Xalça istehsalı emalatxanasının 2019-cu ilin ortalarında istifadəyə verilməsi nəzərdə tutulub.

Baxış zamanı tikinti işlərinin daha da sürətləndirilməsi və keyfiyyətlə aparılması barədə tapşırıqlar verilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.