REGİONLAR


İsmayıllıda keçən il 815 daimi iş yeri açılıb

İsmayıllı, 13 fevral, AZƏRTAC 

Regionların sosial-iqtisadi inkişafına göstərilən dövlət qayğısı, bu sahədə Prezident İlham Əliyevin Sərəncam və tapşırıqları İsmayıllı rayonunda da iqtisadiyyatın şaxələndirilməsinə, yeni istehsal və emal müəssisələrinin açılmasına, nəticə etibarilə əhalinin məşğulluğuna səbəb olur.

Rayon icra hakimiyyətindən AZƏRTAC-ın bölgə müxbirinə bildirilib ki, yola saldığımız 2018-ci ildə İsmayıllıda 1095 yeni iş yeri açılıb. Bunun da 815-i daimidir. Yeni fəaliyyətə başlayan müəssisə və təşkilatlarda 55, mövcud müəssisə və təşkilatlarda 334, sahibkarlıq fəaliyyəti ilə məşğul olan fiziki şəxslər tərəfindən isə 426 iş yeri yaradılıb.

Qeyd edək ki, il ərzində Sahibkarlığın İnkişafı Fondu tərəfindən iş adamlarına 22 layihə üzrə 2 milyon 247 min manat məbləğində güzəştli şərtlərlə kredit verilib, nəticədə 113 yeni iş yeri açılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.