İDMAN


İsmayıllıda şahmat üzrə rayon birinciliyi keçirilib

Bakı, 19 fevral, AZƏRTAC

İsmayıllı Uşaq Gənclər İdman Şahmat məktəbində Xocalı faciəsinin 27-ci il dönümünə həsr olunmuş şahmat üzrə rayon birinciliyi keçirilib.

AZƏRTAC Gənclər və İdman Nazirliyinin saytına istinadla xəbər verir ki, tədbir faciə qurbanlarının xatirəsinin bir dəqiqəlik sükutla yad edilməsi ilə başlayıb.

İsmayıllı Rayon Uşaq Gənclər İdman Şahmat Məktəbinin direktoru Nəriman Alıyev tədbiri giriş sözü ilə açaraq iştirakçıları salamlayıb və öz çıxışında Xocalı soyqırımının ağrılı-acılı məqamlarını diqqətə çatdırıb.

İsmayıllı Rayon Gənclər və İdman İdarəsinin rəisi Taleh Salehov, Təhsil Şöbəsinin həmkarlar komitəsinin sədri Hafiz Kərimov Xocalı faciəsi haqqında tədbir iştirakçılarına məlumat verib, bu faciənin gənclər və idmançılar tərəfindən dünyaya tanıdılması istiqamətində aktivliyin vacibliyini bildiriblər.

Əlli şahmatçının mübarizə apardığı birincilikdə şahmatçı birinci, altı zəka sahibi ikinci, altı idmançı isə üçüncü yerə layiq görülüb.

On doqquz şahmatçı İsmayıllı Rayon Gənclər və İdman İdarəsinin diplom və medalları ilə təltif ediliblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.