REGİONLAR


İsmayıllıda yay şumunun çıxarılmasına 45 traktor cəlb olunub

İsmayıllı, 28 iyul, AZƏRTAC

İsmayıllı rayonunda gələn ilin məhsulu üçün 30 min hektarda payızlıq taxıl əkini gözlənilir və hazırda bütün ərazilərdə əkinçilikdə vacib olan yay şumu çıxarılır.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, İsmayıllıda əkinə yararlı 33 min 523 hektar torpaq sahəsi var və bu sahələrin çoxunda mühüm strateji məhsul olan taxıl əkilir. Taxılçılıqla məşğul olan fermerlər və fiziki şəxslər hazırda bütün qüvvələrini yay şumunun vaxtında və keyfiyyətlə çıxarılmasına səfərbər ediblər. Hər gün 45 şum traktorunun qüvvəsindən istifadə olunur. Artıq 10 min hektarda şum çıxarılıb. Bu iş Nikitin adına kolxozda 1000 hektarda, Qoşakənd və Quşencə inzibati ərazi dairələrinin hər birində 500 hektarda, İsmayıllı şəhər ərazisində 400 hektarda və sair görülüb.

Şum çıxarılması hər yerdə sürətlə davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.