İsmayıllıda yazlıq bitkilərin əkininə başlanılıb

İsmayıllı, 14 mart, AZƏRTAC

İsmayıllı rayonunda yazlıq bitkilərin əkininə start verilib.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, cari ildə İsmayıllıda 2500 hektar sahədə yazlıq bitkilərin əkini proqnozlaşdırılır. Bu məqsədlə 2500 hektar sahədə dondurma şumu çıxarılıb, kifayət qədər toxum tədarük edilib. Qısa vaxtda 125 hektar sahədə əkin aparılıb. Belə ki, 40 hektarda noxud, 49 hektarda tərəvəz, 23 hektarda yonca səpilib, 15 hektarında kartof əkilib.

Yazlıq əkinlər, hələlik rayonun cənub ərazilərində aparılır. Dağlıq və dağətəyi zonalarda isə torpağın səpin üçün hazırlanması işləri davam etdirilir.