REGİONLAR


İsmayıllının üzüm bağlarında becərmə işləri davam etdirilir

İsmayıllı, 22 iyun, AZƏRTAC 

Üzümçülük İsmayıllı rayonunda aqrar sektorun aparıcı sahələrindəndir və hazırda plantasiyalarda becərmə işləri aparılır.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, bu günlərdə cərgəaralarına kultivasiya çəkilir, kətmələnmə və yaşıl budama işləri görülür. Habelə, xəstəlik və zərərvericilərə qarşı mübarizə tədbirləri həyata keçirilir. Becərmə işlərinə 20-dək texnika və 500 nəfərədək işçi qüvvəsi cəlb olunub.

Qeyd edək ki, son illər rayonda plantasiyaların sahəsi artırılır. Hazırda 1123,1 hektar üzüm bağı vardır ki, bunun 1021,9 hektarı bar verəndir. Cari ilin yazında 35 hektarda yeni bağ salınıb. Yeni salınan bağlar süfrə sortudur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.