İDMAN


İspaniya La Liqası: "Real Madrid" dördüncü qələbəsini qazanıb

Bakı, 23 sentyabr, Nicat Məmmədov, AZƏRTAC

Sentyabrın 22-də İspaniya La Liqasında beşinci turun növbəti oyunları keçirilib.

AZƏRTAC xəbər verir ki, "Real Madrid" klubu doğma meydanda Kataloniya təmsilçisi "Espanyol" komandasını qəbul edib. "Santyaqo Bernabeo" stadionunda keçirilən görüş "kral" klubunun minimal hesabla qələbəsi ilə başa çatıb (1:0). Oyundakı yeganə qolu 41-ci dəqiqədə Marko Asensio vurub.

Madrid şəhərinin digər təmsilçisi "Atletiko" səfərdə "Getafe" klubunu 2:0 hesabı ilə məğlub edib. Topu meydan sahiblərinin qapısındanTomas Lemar və David Soria keçiriblər.

Turun digər oyunları belə nəticələnib:

"Hueska" - "Real Sosyedad" - 0:1

"Rayo Vallekano" - "Deportivo Alaves" - 5:1

"Selta Vigo" - "Real Valladolid" - 3:3

"Eibar" - "Leganes" - 1:0.

Hazırda İspaniya çempionatının turnir cədvəlinə beş oyundan 13 xal toplayan "Real Madrid" klubu başçılıq edir. Əzəli rəqibindən bir oyun az keçirən “Barselona” 12 xalla ikinci yerdədir. Kataloniya klubu bu gün doğma meydanda “Girona” ilə qarşılaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.