İDMAN


İspaniya La Liqasının 2018-2019-cu il mövsümü başa çatıb

Bakı, 20 may, Nicat Məmmədov, AZƏRTAC

Mayın 19-da İspaniya La Liqasının sonuncu - 37-ci turunun axırıncı görüşü keçirilib.

AZƏRTAC xəbər verir ki, çempionluğunu vaxtından əvvəl təmin etmiş “Barselona” səfərdə “Eybar”ın qonağı olub.

Görüş 2:2 hesablı heç-heçə ilə başa çatıb.

Qonaqların heyətində Lionel Messi (31, 32), meydan sahiblərindən isə Mark Kukurela (20) və Pablo de Blasis (45) fərqləniblər.

“Barselona” 87 xalla çempionatın qızıl medalını qazanıb. Çempionatın gümüş medallarına 76 xal toplayan “Atletiko Madrid” komandası sahib olub. “Real Madrid” komandası 68 xalla üçüncü, “Valensiya” isə 61 xalla dördüncü olub. İlk dörd yeri tutan komandalar 2019-2020-ci il mövsümündə UEFA Çempionlar Liqasında iştirak hüququ qazanıblar.

“Sevilya”, “Espanyol” və “Xetafe” klubları isə UEFA Avropa Liqasında çıxış edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.