CƏMİYYƏT


İspaniya iqlim dəyişmələrinə qarşı mübarizəyə 235 milyard avro ayıracaq

Madrid, 24 yanvar, AZƏRTAC

İspaniyanın Baş naziri Pedro Sançes hökumətin iqlim dəyişmələrinə qarşı mübarizə ilə bağlı tədbirlərə yaxın 10 ildə 235 milyard avro ayırmaq niyyətində olduğunu elan edib.

AZƏRTAC İspaniya KİV-lərinə istinadla xəbər verir ki, ispan hökuməti ölkədə 6 ilə yaxın davam edən iqtisadi böhranı səbəb gətirərək, uzun müddət ərzində bu sahədə fəaliyyətsizliyinə görə üzrxahlıq edib.

P.Sançes bildirib ki, 2021-2030-cü illər üçün energetika və iqlim dəyişmələri sahəsində tədbirlər planı yaxın gələcəkdə Avropa İttifaqı səviyyəsində də təqdim olunacaq.

P.Sançes əlavə edib ki, ölkənin tamamilə bərpaolunan enerji mənbələrinə keçəcəyi təqdirdə, - bunun da icrası 2050-ci ilə planlaşdırılır, - şaxtalarda işlərini itirəcək insanlara yeni iş yerləri yaradılmalıdır.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.