DÜNYA


İspaniya kralının kürəkəni cəzasını Avila həbsxanasında çəkəcək

Madrid, 18 iyun, AZƏRTAC

İspaniya şahzadəsi Kristinanın həyat yoldaşı İnyaki Urdaqarin iyunun 18-də səhər saatlarında həbs müddətini çəkmək üçün yaşadığı Cenevrədən Avila şəhərinə gəlib.

AZƏRTAC xəbər verir ki, ötən çərşənbə günü Palma məhkəməsi Urdaqarinə həbsxana seçməsi üçün 82 variant və 5 gün müddət vermişdi. Kralın kürəkəni beş il on aylıq cəzasını çəkmək üçün Avila həbsxanasını seçib.

İnyaki Urdaqarinin seçdiyi həbsxana əsasən qadınlar üçündür, kişilər üçün isə çox kiçik bir hissəsi var. Hazırda bu hissədə cəzaçəkən yoxdur. Bu da o deməkdir ki, kral Felipenin bacısının korrupsiyada günahlandırılan həyat yoldaşı cəzasını binada tək olaraq çəkəcək. Demək olar ki, daim boş olan həbsxananın həmin hissəsinin xırda təmirə ehtiyacı var.

Həbsxanaya girən İnyaki Urdaqarin adi cəzalılar kimi eyni proseduralardan keçəcək.

Aygün Əliyeva

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.