CƏMİYYƏT


İspaniya meşə sahəsinə görə Avropada ikinci yerdədir

Madrid, 7 fevral, AZƏRTAC

İspaniya 18 milyon hektar meşə sahəsinə malikdir. Bu da onu meşə sahəsinə görə İsveçdən sonra Avropada ikinci ölkə edir.

AZƏRTAC “Expansión” nəşrinə istinadla xəbər verir ki, İspaniyada təqribən 7,5 milyard ağac var. Onların arasında palıd və Hələb şamı üstünlük təşkil edir. Mantar ağacları da geniş yayılıb.

Ekspertlər bildirirlər ki, hazırda İspaniya meşələrinin 80 faizi şəxsi mülkiyyətdədir. Bu, xüsusilə Qalisiya, nisbətən az dərəcədə Kastiliya və Leon əyalətlərinə aiddir.

Mütəxəssislər meşə təsərrüfatlarını lazımınca idarə etmək, onların iqtisadi potensialını inkişaf etdirmək üçün tədbirlər görməyə çağırırlar. Ekspertlərin sözlərinə görə, bu, yeni iş yerləri yaratmağa, habelə regionların depopulyasiyasının qarşısını almağa kömək edəcək.

Nigar Cəfərli

AZƏIRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.