DÜNYA


İspaniya sahillərində 600-ə yaxın miqrant xilas edilib

Bakı, 23 iyun, AZƏRTAC 

İyunun 23-də İspaniya sahillərində 569 miqrant xilas edilib.

AZƏRTAC RİA Novosti agentliyinə istinadla xəbər verir ki, Alboran dənizində, Cəbəllütariq boğazında, Atlantik okeanın Kanar adaları yaxınlığında ümumilikdə 21 qayıq aşkar olunub. Xilas edilənlərin çoxu qadınlar və uşaqlardır.

Bildirilib ki, xilasetmə işləri gəcə yarısından başlayıb. Günün sonunda aşkarlanan miqrantların sayının artacağı gözlənilir. İspaniyada hava şəraitinin mülayim keçməsi son həftələrdə regionda miqrant axınını artırıb.

Qeyd edək ki, cari ilin yanvarından İspaniya sahillərinə 12,1 mindən çox miqrant üz tutub, onlardan 292 nəfəri ya həlak olub, ya da itkin düşüb. Ümumilikdə, ilin əvvəlindən Avropaya təxminən 41 min miqrant gəlib, onlardan 960 nəfəri dənizdə həlak olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.