DÜNYA


İspaniyada 1,2 milyondan çox seçici vaxtından əvvəl səs verib

Madrid, 26 aprel, AZƏRTAC

İspaniyada aprelin 28-də keçiriləcək növbədənkənar parlament seçkiləri ərəfəsində bayram münasibətilə ölkəni tərk etməyə hazırlaşan 1,2 milyondan çox seçici vaxtından əvvəl səs verib. Bu rəqəm ispan demokratiyasının 40 illik tarixində ikinci böyük göstəricidir.

AZƏRTAC xəbər verir ki, İspaniya Mərkəzi Seçki Komissiyasının qərarına görə, aprelin 26-da yerli vaxtla saat 14:00-dək poçt şöbələri seçki bülletenləri olan zərfləri qəbul edib. Dövlət Poçt Xidməti poçt logistika şəbəkəsinin əlaqələndirilməsi üçün maksimum səy göstərib, bütün xidmət məntəqələrində yığılan bülletenlərin aprelin 28-dək müvafiq seçki məntəqəsinə çatdırılması üçün tədbirlər görüb. Səslərin sayılmasından sonra səsverməyə dair aktın surəti seçiciyə təqdim ediləcək.

Qeyd edək ki, aprelin 28-də keçiriləcək növbədənkənar parlament seçkilərində ölkənin beş əsas partiyası – PSOE (Sosialist Fəhlə Partiyası), Podemos (sol partiya), PP (Xalq Partiyası), Giudadanos (liberal yönümlü Vətəndaş Partiyası) və Vox (Milli Mühafizəkar Partiya) iştirak edəcək. Seçkilərə qalib gələcək partiya hökuməti formalaşdıracaq.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.