CƏMİYYƏT


İspaniyada iftar süfrəsi təşkil edilib

Madrid, 18 may, AZƏRTAC

İspaniyanın Madrid şəhərində Azərbaycan icmasının tanınmış üzvü Əli Evsen tərəfindən iftar süfrəsi təşkil edilib. İftar süfrəsində İspaniya Konstitusiya Məhkəməsinin sədri Xuan Xose Gonzalez Rivas, Kralın Protokol Xidmətinin rəhbəri Alfredo Martinez Serrano, Madrid Kardinalı Karlos Osoro Sierra, sabiq Daxili İşlər naziri Xorxe Fernandez Diaz, Dini Hərbi Tribunal rəhbəri Xuan del Rio, İspaniya müsəlman icmasının rəhbəri Riay Tatari, Ortodoks Kilsəsinin nümayəndəsi Metropolit Polikarpo, Baş Prokuror Javier Zaragosa, "La Razon" qəzetinin rəhbəri Fransisko Maruhenda, Türk-İspan Ticarət Palatasının nümayəndəsi Yasemin Korukçu, Türk Hava Yollarının İspaniya nümayəndəliyinin rəhbəri Nüman Çizmeçioğlu, Ali Məhkəmənin hakimi Xavyer Borrego, İspaniya və türk televiziyalarının çəkiliş qrupları, diplomatik korpusun nümayəndələri, iş adamları, tanınmış ictimai-siyasi xadimlər iştirak ediblər.

Azərbaycan Respublikasının İspaniya Krallığındakı səfiri Anar Məhərrəmov da iftar süfrəsində iştirak edib.

Ümumilikdə 200 nəfərdən çox tanınmış şəxsin iştirak etdiyi iftar süfrəsində Azərbaycan Respublikasının Diasporla İş üzrə Dövlət Komitəsinin sədri Fuad Muradov çıxış edərək tədbirin İspaniya-Azərbaycan dostluğunun bir nümunəsi olduğunu qeyd edib və qonaqlara ölkəmizlə bağlı həqiqətlər barədə məlumat verib.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.