DÜNYA


İspaniyada işsizlik sürətlə artır

Madrid, 2 dekabr, AZƏRTAC

Noyabr ayında İspaniyada işsizlərin sayında 25.269 nəfər (0,6 faiz) artım olub.

AZƏRTAC İspaniya Əmək və Sosial Təminat Nazirliyinə istinadla xəbər verir ki, bu, işsizliyin artması göstəricisinin 2012-ci ildən bəri qeydə alınmış ən yüksək səviyyəsidir (o vaxt bir ay ərzində işsizlərin sayı 74 min nəfər artmışdı).

Noyabr ayının yekunlarına görə İspaniyada işsizlərin ümumi sayı 3,81 milyon nəfərə çatıb. Bu, keçən ilin müvafiq dövrünün göstəricisi ilə müqayisədə 653.128 nəfər çoxdur.

Qeyd etmək lazımdır ki, İspaniyada praktiki olaraq hər il noyabr ayında işsizlik artır. Bu baxımdan ən dramatik sıçrayış 2008-ci ildə qeydə alınmışdı. O vaxt 171 min insan işsiz qalmışdı.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.