DÜNYA


İspaniyada maliyyə nəhəngi yaradılır

Madrid, 19 sentyabr, AZƏRTAC

“CaixaBank” və “Bankia” banklarının direktorlar şurası aktivləri 650 milyard avrodan çox olacağı nəzərdə tutulan ən böyük İspaniya bankını yaratmaq üçün iki qurumun birləşməsinə yaşıl işıq yandırıb.

AZƏRTAC xəbər verir ki, bu gün direktorlar şurası böyüklüyünə görə üçüncü və dördüncü olan ispan banklarının birləşməyə başlamasını bəyənib. “CaixaBank” adlanacaq struktur Valensiyadakı ofisini özündə saxlayacaq.

Maliyyə nəhənginin yaradılması İspaniyanın bank mənzərəsini dəyişəcək. Portuqaliyanın “BPI” bankına beynəlxalq səviyyədə sahib olan “CaixaBank” İspaniyanın üçüncü ən böyük bankıdır. İspaniyada ən böyük ipoteka kreditoru kimi tanınan “Bankia” isə ölkənin dördüncü nəhəng bankıdır.

Analitiklərin fikrincə, iki şirkətin birləşməsi 50 mindən çox iş yerinin itirilməsinə gətirib çıxaracaq.

Bu birləşmə, cari ilin ikinci rübündə ümumi daxili məhsulu 18,5 faiz aşağı düşən, COVID-19 pandemiyasının ən çox zərər vurduğu Avropa ölkələrindən biri olan İspaniya üçün olduqca mənfi bir iqtisadi kontekstdə baş verir.

Elan edilən qərar Avropa Mərkəzi Bankının tələb etdiyi kimi, Avropada maliyyə sektorunun konsolidasiyası üzrə gələcək addımları nəzərdə tutur.

Nigar Cəfərli

AZƏRTAC-ın xüsusi müxbiri

Madrid 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.