MƏDƏNİYYƏT


İspaniyada pandemiya ilə əlaqədar 550-dən çox otel satışa çıxarılıb

Madrid, 3o noyabr, AZƏRTAC

İspaniyanın mehmanxana biznesi COVID-19 pandemiyasının əmələ gətirdiyi böhranla əlaqədar ağır dövrünü yaşayır.

AZƏRTAC İspaniya KİV-lərinə istinadla xəbər verir ki, koronavirusla əlaqədar sərhədlərin bağlanması və turistlərin olmaması İspaniya otellərinin iflasına səbəb olub. Bir çoxları bu aktivlərdən yaxa qurtarmaq qərarına gəlib. Nəticədə oktyabrın sonuna İspaniyada 557 otel satışa çıxarılıb. Bu, epidemiyanın başlandığı mart ayına nisbətən 19 faiz çoxdur.

Əndəlüs və Kataloniyada daha çox sayda – müvafiq olaraq, 114 və 101 otel satışa çıxarılıb.

Nəyin bahasına olsa da, mehmanxana biznesindən ayrılmamağı qərara alanlar turistlər olmadan bunun öhdəsindən necə gəlmək barədə fikirləşirlər. İspaniyada son vaxtlar yeni tendensiya əmələ gəlib: otellər öz məkanlarını məsafədən işləyən ofislər üçün bina qismində təklif edirlər.

 

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.