ELM VƏ TƏHSİL


İspaniyanın altı məktəbi “Apple” nişanına layiq görülüb

Madrid, 15 yanvar, AZƏRTAC

Dünyada yalnız 470 məktəb, o cümlədən İspaniyanın altı dövlət və özəl məktəbi “Apple” nişanı alıb. AZƏRTAC xəbər verir ki, texnoloji sektorun bu aparıcı brendi onun innovasiyalarından istifadə edən məktəblərə «Apple Distinguished School» fərqləndirmə nişanını təqdim edir.

“Apple” fərqlənmə nişanına inkişaf etdiyini və şagirdlərinin akademik uğurlar qazandığını təsdiq etmiş, rəhbərliyin komanda işi, istedad, birlik hissi, maliyyə və qiymətləndirmə kimi konsepsiyalar tətbiq etdiyi, “iPad” və “Mac” sayəsində yaradıcı potensialın, komandada işləməyin və tələbələrdə tənqidi təfəkkürün təşviq edildiyi məktəbləri layiq görür.

Söhbət şagirdlərin gündəlik həyatına texnoloji qurğuların tətbiq edilməsindən, fərqli tədris modelinin işlənib hazırlanmasından, məsələn şagirdlərin XXI əsrin cəmiyyətinə adaptasiya olunmaları üçün öz aralarında kontent yaratmalarından, bunun üçün gərəkli vərdişlərə yiyələnmələrindən gedir.

Məktəblərin işinin qiymətləndirilməsi təhsil ocağının rəhbərliyinin “Apple Distinguished School” proqramına qoşulmaq üçün müraciətindən sonra başlayır. “Apple” müraciətləri nəzərdən keçirir, məktəbin proqrama qoşulma tələblərinə cavab verib-vermədiyini araşdırır və bundan sonra qərar qəbul edir.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.