DÜNYA


İsrail əcnəbilərin ölkəyə girişinə qoyduğu qadağanın müddətini uzadıb

Bakı, 25 may, AZƏRTAC

İsrail COVID-19 pandemiyası səbəbindən xarici ölkə vətəndaşlarının ölkəyə girişinə qoyduğu qadağanın müddətini avqustun 1-dək uzadıb.

AZƏRTAC Ynet agentliyinə istinadla xəbər verir ki, bu barədə müvafiq bildiriş xarici aviasiya kompaniyalarının nümayəndələrinə göndərilib. Bildirişdə deyilir: “İsrail vətəndaşı olmayan və ya bu ölkədə daimi yaşamayan sərnişinlərin ölkəyə girişi, o cümlədən tranzit reysləri qadağan edilib. Qadağalar İsrailin əhali və miqrasiya məsələləri üzrə idarəsindən xüsusi icazə alan sərnişinlərə şamil edilmir”.

Xarici ölkə vətəndaşlarının İsrailə girişinə qoyulan qadağa mart ayının ortalarından qüvvəyə minib.

Son məlumata görə, İsraildə yeni koronavirusa yoluxanların sayı 22 min nəfəri ötüb, 308 nəfər isə bu xəstəlik səbəbindən həyatını itirib. Hazırda müalicəsi davam edən 5 min 870 xəstədən 49-nun vəziyyəti ağır qiymətləndirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.