DÜNYA


İsrail parlamenti özünün buraxılması haqqında qanun layihəsini təsdiqləyib

Bakı, 30 iyun, AZƏRTAC

Bu gün İsrail Knesseti (parlament) özünün buraxılması haqqında qanun layihəsini təsdiqləyib. Parlament telekanalı iclasın gedişini birbaşa yayımlayıb.

AZƏRTAC İsrail mətbuatına istinadla xəbər verir ki, deputatlar qanun layihəsini ikinci və üçüncü oxunuşda müzakirə ediblər. Sənədin qəbul edilməsindən sonra 24-cü çağırış Knessetin buraxılması elan olunur, Baş nazir postu isə koalisiya razılaşmasına müvafiq olaraq Naftali Bennetdən xarici işlər naziri Yair Lapidə keçir. O, noyabrın 1-nə planlaşdırılan yeni parlament seçkilərinə qədər hökumətə rəhbərlik edəcək.

Kan radiosunun məlumatına görə, baş nazir səlahiyyətlərin təhvil verilməsi bu gün günorta saatlarına planlaşdırılır. Qarşıdakı seçkilərdə iştirak etmək üçün namizədlərin partiya siyahıları sentyabrın 15-dək Knessetə təhvil verilməlidir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.