İsraildə silahlı şəxslər ətrafdakılara atəş açıb, ölənlər və yaralılar var

Bakı, 28 mart, AZƏRTAC

Bazar günü axşam saatlarında İsrailin Hadera şəhərində baş verən silahlı insident zamanı iki nəfər həlak olub.

AZƏRTAC yerli KİV-ə istinadən xəbər verir ki, ikisi polis məmuru olmaqla azı on iki nəfər yaralanıb.

Məlumata görə, iki nəfər silahlı şəxs avtobus dayanacağında dayanaraq ətrafdakılara atəş açmağa başlayıb. Hüquq-mühafizə orqanlarının ilkin ehtimalına görə, hücum edənlərdən birinin daha əvvəl terror qruplaşmasına qoşulmağa cəhd etdiyinə görə həbs edildiyi bildirilir.

Hücum edənlər təsadüfən ərazidə olan sərhəd polisinin terrorla mübarizə şöbəsinin əməkdaşları tərəfindən zərərsizləşdirilib.