DÜNYA


İsrailin Qəzza sektoruna zərbələri nəticəsində 16 fələstinli həlak olub

Bakı, 13 noyabr, AZƏRTAC

İsrail ordusunun iki gündür ki, Qəzza sektoruna endirdiyi zərbələr nəticəsində azı 16 fələstinli həlak olub, 50-yə yaxın insan isə yaralanıb.

AZƏRTAC Dunia al-Watan informasiya portalına istinadla xəbər verir ki, bu barədə Fələstin anklavının Səhiyyə Nazirliyi məlumat yayıb.

Qurumun məlumatına əsasən, təkcə bu gün sektorun beş sakini həyatını itirib. Bir müddət öncə hərbi aviasiya Qəzza şəhərinin Ət-Tuffah rayonunda bir qrup insana hücum edib, nəticədə üç nəfər öldürülüb.

Noyabrın 12-də səhər saatlarında “İslam cihadı” qruplaşmasının nüfuzlu komandiri Baha Əbu əl-Ata və onun həyat yoldaşının bombardman nəticəsində öldürülməsindən sonra Fələstin qruplaşmaları və İsrail ordusu arasında toqquşmalar davam edir. Qəzza sektorundan İsrail ərazisinə 250-yə yaxın raket və mərmi atılıb, İsrail Hərbi Hava Qüvvələri isə anklavı qısa fasilələrlə şiddətli atəşə tutur.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.