SİYASƏT


İstanbulda “Qafqazda əməkdaşlıq: fürsətlər və problemlər” mövzusunda tədbir keçirilib

İstanbul, 16 may, АZƏRTAC

İstanbulda Qafqaz Beynəlxalq Münasibətlər və Strateji Araşdırma Mərkəzinin təşkilatçılığı ilə “Qafqazda əməkdaşlıq: fürsətlər və problemlər” mövzusunda tədbir keçirilib.

AZƏRTAC xəbər verir ki, iki hissədən ibarət tədbirin türkiyəli professor Mustafa Aydının moderatorluğu ilə keçirilən birinci hissəsi "Türkiyə-Azərbaycan-Gürcüstan üçtərəfli əməkdaşlıq modeli" mövzusuna həsr olunub. Tədbirdə Qafqazda siyasi, iqtisadi və təhlükəsizlik sahələrində əməkdaşlıq məsələləri müzakirə olunub, həmçinin Türkiyə-Azərbaycan əlaqələrinin dünyaya nümunə olduğu qeyd edilib.

Tədbirin ikinci hissəsi "Qafqazda problemlər və həlli imkanları" mövzusunda türkiyəli professor Çağrı Erhanın moderatorluğu ilə keçirilib. Bu hissədə Ermənistan-Azərbaycan Dağlıq Qarabağ münaqişəsi, Türkiyə-Ermənistan sərhəd qapıları məsələsi ətrafında fikir mübadiləsi aparılıb.

Sonda iştirakçıları maraqlandıran suallar cavablandırılıb.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.