CƏMİYYƏT


İstanbulda keçirilən beynəlxalq simpoziumda Qarabağın dünəni, bu günü, sabahı müzakirə olunub

İstanbul, 13 oktyabr, AZƏRTAC

İstanbulda keçirilən “Qarabağın dünəni, bu günü, sabahı” mövzusunda beynəlxalq simpozium ikinci günündə öz işini davam etdirib.

AZƏRTAC xəbər verir ki, oktyabrın 13-də İstanbulun Marmara Universitetinin İlahiyyat fakültəsində davam edən simpoziumda “Erməni milliyyətçiliyinin Cənubi Qafqaza təsiri”, “Bir geo-psixoloji vəziyyətin həllinin analizi: İkinci Qarabağ müharibəsindən sonra türk dünyası”, “İkinci Qarabağ müharibəsi: Türk dünyasının buna baxışı və dəyərləndirilməsi”, “ATƏT-in Minsk qrupunun Qarabağ münaqişəsinin sülh yolu ilə həlli istiqamətində uğursuzluğunun səbəblərinin təhlili”, “1994-cü il Atəşkəs Razılaşmasından sonra Qarabağda baş verən ilk ciddi qarşıdurma: 2016 döyüşləri” mövzularında panel iclaslar keçirilib, mövzular geniş müzakirə olunub. Panellər Türkiyə və Azərbaycan elm adamlarının moderatorluğu ilə baş tutub.

Xatırladaq ki, Türkiyənin Marmara Universitetinin təşkilatçılığı, Türkiyə Araşdırmalar İnstitutu, qardaş ölkənin Mədəniyyət və Turizm Nazirliyi, İstanbulun Üsküdar Bələdiyyəsi və digərlərinin dəstəyi ilə keçirilən tədbir iki gün davam edib.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.