CƏMİYYƏT


İstanbulda ölən iki azyaşlının ölüm səbəbi “donuz qripi”dir

İstanbul, 16 yanvar, AZƏRTAC

Bir neçə gün əvvəl İstanbulda xəstəxanaya yerləşdirilən iki azyaşlının ölüm səbəbi H1N1 virusudur (donuz qripi).

AZƏRTAC xəbər verir ki, bu barədə Türkiyənin Səhiyyə Nazirliyindən məlumat verilib.

Bildirilib ki, uşaqların ölüm səbəbi ölkənin Səhiyyə Nazirliyi tərəfindən araşdırılıb. Nəticə etibarilə onların H1N1 virusu səbəbindən vəfat etdikləri bəlli olub.

Türkiyənin Qrip Elm Şurasının son hesabatına əsasən, bu il ölkədə müşahidə edilən qrip viruslarının yarısı xəstəliyin A (H1N1) növüdür. Xəstələrin sayı və artım tempində əvvəlki illərlə müqayisədə çoxalma müşahidə edilməyib, virus növləri və pozitivlik dərəcələrində də heç bir fövqəladə vəziyyət yoxdur.

Qeyd edilib ki, 2009-cu ildə insanlar arasında yayılmağa başlayan A (H1N1) virusu artıq “donuz qripi” olaraq təyin olunmur və normal mövsümi xəstəliklər arasında yer alır.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.