CƏMİYYƏT


İstirahət günlərində səyahətə çıxanları yağmursuz və günəşli hava şəraiti gözləyir

Bakı, 27 iyul, AZƏRTAC

Ekologiya və Təbii Sərvətlər Nazirliyinin Milli Hidrometeorologiya Departamenti istirahət günlərində - iyulun 28-29-da səyahətə çıxanlar üçün hava proqnozunu açıqlayıb.

Departamentdən AZƏRTAC-a verilən xəbərə görə, Böyük və Kiçik Qafqaz bölgəsində hava şəraitinin isti və yağmursuz keçəcəyi gözlənilir. Havanın temperaturu dağətəyi rayonlarda 31-36°, dağlıq rayonlarda isə 23-28° isti olacaq.

Lənkəran-Astara bölgəsinə üz tutanları günəşli hava şəraiti gözləyir. Şərq küləyi əsəcək. Havanın maksimal temperaturunun 31-36°, dağlıq rayonlarda 28-32° isti olacağı proqnozlaşdırılır.

Aran rayonlarında hava şəraitinin günəşli olacağı ehtimal edilir. Mülayim şərq küləyi əsəcək. Havanın maksimal temperaturunun 35-40° isti olacağı bildirilir.

Naxçıvan Muxtar Respublikasında hava şəraitinin günəşli keçəcəyi gözlənilir. Havanın maksimal temperaturunun 36-41° isti olacağı ehtimalı var.

Paytaxtda yaxın iki gün ərzində hava şəraiti günəşli keçəcək. Şimal-şərq küləyi əsəcək. Havanın maksimal temperaturunun 32-37° isti olacağı gözlənilir. Çimərliklərdə əlverişli şərait müşahidə olunacaq. Günorta saatlarında saat 11:00-dan 17:00-dək Günəş şüalarından qorunmaq üçün mümkün vasitələrdən istifadə etməyiniz tövsiyə edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.