DÜNYA


İsveç prokurorluğu “WikiLeaks” saytının qurucusu Culian Assanj barəsində qiyabi həbs prosesinə başlayır

Stokholm, 20 may, AZƏRTAC

İsveç prokurorluğu “WikiLeaks” saytının qurucusu Culian Assanj barəsində qiyabi həbs prosesinə başlayır.

AZƏRTAC İsveç KİV-lərinə istinadla xəbər verir ki, bu məqsədlə order alınması üçün sorğu artıq məhkəməyə göndərilib.

Sorğu məktubunda Assanjın zorlama cinayəti törətməkdə şübhə doğurması ilə əlaqədar onun qiyabi həbs edilməsi tələb olunur. Bu order alınacağı təqdirdə İsveç prokurorluğu Culian Assanjın həbsinə Avropa orderi verilməsi proseduruna başlamaq niyyətindədir.

Xatırladaq ki, bundan əvvəl İsveç prokurorluğu “WikiLeaks” saytının qurucusu Culian Assanjın barəsində zorlama və seksual təcavüzdə ittiham üzrə cinayət işinin təhqiqatının bərpa olunmasını bildirib. Assanja qarşı cinayət işi İsveç prokurorluğu tərəfindən 2010-cu ildən aparılır.

İsveç prokurorluğunun nümayəndələrinin sözlərinə görə, cinayət işinin bərpa olunması barədə qərar əvvəlki təhqiqatın nəticələrinə yenidən baxılmasını zəruri edən yeni faktlar əldə ediləndən sonra qəbul olunub.

Bir qədər əvvəl Britaniyada 50 həftə həbs cəzasına məhkum edilmiş Assanj hazırda oradadır. ABŞ da onun ekstradisiyasına nail olmağa çalışır.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.