DÜNYA


İsveç və Finlandiya nümayəndələri NATO-ya üzvlüyü müzakirə etmək üçün Ankaraya gəlir

Bakı, 24 may, AZƏRTAC

İsveç və Finlandiya nümayəndə heyətləri NATO-ya üzvlük məsələsini Türkiyə tərəfi ilə müzakirə etmək üçün bu gün Ankaraya gələcək.

AZƏRTAC A Haber telekanalına istinadla xəbər verir ki, Türkiyə Prezidenti Rəcəb Tayyib Ərdoğanın nümayəndəsi İbrahim Kalın və xarici işlər nazirinin müavini Sedat Önal hər iki Skandinaviya ölkəsinin nümayəndə heyəti ilə görüşəcək. Görüşlər mayın 25-də Prezident Sarayında və respublikanın Xarici İşlər Nazirliyində baş tutacaq.

Xatırladaq ki, bir müddət öncə Finlandiya və İsveçin NATO-dakı səfirləri Klaus Korhonen və Aksel Vernhoff ölkələrinin Şimali Atlantika Blokuna qoşulması üçün alyansın Baş katibi Yens Stoltenberqə rəsmi ərizə təqdim ediblər. Lakin indiki halda Türkiyə onların alyansa daxil olmasının əleyhinədir. Türkiyə Prezidentinin sözlərinə görə, bu ölkələr terrorçuları himayə edir.

NATO-ya yeni üzvün qəbul olunması çoxmərhələli prosesdir. Buna alyansda siyasi qərarlar verən Şimali Atlantika Şurası nəzarət edir. Üzvlüyə dair müraciətə əvvəlcə şurada baxılır, sonra isə müvafiq müqavilə alyansın bütün 30 üzv ölkəsi tərəfindən ratifikasiya olunur.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.