DÜNYA


İsveçin 20 regionunda koronavirusun Britaniya ştammı aşkar olunub

Stokholm, 17 fevral, AZƏRTAC

Koronavirusun Britaniya mutasiyası İsveçin 20 regionunda aşkar edilib.

AZƏRTAC İsveç səhiyyə orqanlarına istinadla xəbər verir ki, hazırda Britaniya ştammına yoluxma halları, Gotland bölgəsi xaricində ölkənin 20 bölgəsinin hamısında təsdiqlənib.

İsveç İctimai Sağlamlıq Agentliyinin məlumatına görə, keçən həftə virusun bu mutasiyasına dair təsdiqlənmiş 423 yoluxma halı qeydə alınıb. Lakin agentliyin ekspertlərinin fikrincə təqdim olunan rəqəmlər mövcud vəziyyətin ciddiliyini əks etdirmir.

Mutasiyaya uğramış koronavirus stammlarının yayılması fonunda İsveç səlahiyyətliləri virusla bağlı vəziyyəti izləmək üçün tədbirləri gücləndirməyə məcbur oldular.

Bundan əvvəl Avropa İttifaqının infeksiya nəzarəti hesabatında Aİ-də virus mutasiyaların yayılma riskinin çox yüksək olduğu və bunun da xəstəxanaya yerləşdirmə və ölüm hallarının artmasına səbəb ola biləcəyi bildirilib.

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.