İsveçin hakim sosial-demokratlar partiyası ölkənin NATO-ya üzvlüyünə razılıq verib

Stokholm, 16 may, Rauf Əliyev, AZƏRTAC

İsveçin hakim sosial-demokratlar partiyası tarixi dönüş edərək, ölkənin NATO-ya üzvlüyünə razılıq verib.

AZƏRTAC xəbər verir ki, mayın 15-də keçirilən iclasda partiyanın idarə heyəti müvafiq qərarı qəbul edib.

"Biz hesab edirik ki, İsveç üçün və İsveç xalqının təhlükəsizliyi üçün ən düzgün qərar NATO-ya üzv olmaqdır", - deyə Krallığın baş naziri Maqdalena Andersson deyib.

Xatırladaq ki, mayın 13-də İsveçdə siyasi partiyalararası parlamentin təhlükəsizlik hesabatı ictimaiyyətə təqdim olunub. Hesabata əsasən, NATO-ya üzvlük Krallığın təhlükəsizlik səviyyəsini artıracaq.

Rauf Əliyev

AZƏRTAC-ın xüsusi müxbiri

Stokholm