CƏMİYYƏT


İsveçrədə Novruz bayramı sevinci yaşanıb

Bern, 20 mart, AZƏRTAC

İsveçrənin Bern şəhərində Azərbaycanlıların bu ölkədəki Koordinasiya Şurası tərəfindən Novruz bayramına həsr olunmuş tədbir keçirilib.

AZƏRTAC xəbər verir ki, Koordinasiya Şurasının əlaqələndiricisi Qasım Nəsirov, İsveçrədəki diaspor təşkilatlarımızın rəhbərləri Arzu Əliyeva və Cevzet Aras mərasimdə çıxış edərək Azərbaycanın qədim tarixində özünəməxsus yer tutan Novruz bayramı, onun adət və ənənələri, tarixi və xüsusiyyətləri barədə ətraflı məlumat verib, bu bayramın məhz Azərbaycanın təşəbbüsü ilə UNESCO-nun qeyri-maddi mədəni irs siyahısına salındığını bildiriblər.

Tədbir çərçivəsində, həmçinin İsveçrədə fəaliyyət göstərən “Qarabağ” Azərbaycan məktəbinin şagirdləri tərəfindən rəqslərimiz ifa olunub və Novruza həsr edilmiş şeirlər səsləndirilib.

Şənlik iştirakçılarına musiqi proqramı ilə yanaşı, milli mətbəximizin ləziz nümunələri, o cümlədən şirniyyatları təqdim olunub.

Azərbaycanın İsveçrədəki səfirliyi və Diasporla İş üzrə Dövlət Komitəsinin dəstəyi ilə baş tutan tədbirdə diasporumuzun üzvləri ilə yanaşı, yerli ictimaiyyətin nümayəndələri də iştirak ediblər.

Elgün Niftəli

AZƏRTAC-ın xüsusi müxbiri

Bern

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.