DÜNYA


İsveçrədəki parlament seçkilərində solçu qüvvələrin qələbə qazanacağı ehtimal olunur

Bern, 20 oktyabr, AZƏRTAC

Bu gün İsveçrədə növbəti parlament seçkiləri keçirilir.

AZƏRTAC xəbər verir ki, seçki ərəfəsində keçirilən sorğularda solçu qüvvələrin qələbəsi proqnozlaşdırılır. Kiçik siyasi “zəlzələ” qarşısında duran ölkədə istənilən halda “yaşıl“ partiyaların daha çox seçici rəğbəti əldə edəcəyi şəksizdir. Ötən parlament seçkilərindən keçən dövr ərzində qaçqın və miqrasiya mövzusunun iqlim dəyişikliyi mövzusu ilə əvəzlənməsi də bu partiyaların işinə yarayır.

Seçkilərdə 4652 namizəd (2015-ci illə müqayisədə 23 faiz çox) parlamentdə 200 mandat uğrunda mübarizə aparır. Ötən seçkilərdə səsvermə hüququna malik əhalinin cəmi 48 faizinin seçki məntəqələrinə üz tutması, bu gün keçirilən seçkilərdə də seçici fəallığının aşağı olacağını proqnozlaşdırmağa əsas verir.

Elgün Niftəli

AZƏRTAC-ın xüsusi müxbiri

Bern

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.