İDMAN


İsveçrənin “Evviva Polo Club St. Moritz” klubu 7-ci arena polo üzrə dünya kubokunun bürünc mükafatçısı olub

Bakı, 15 sentyabr, Nicat Məmmədov, AZƏRTAC

Sentyabrın 15-də Azərbaycan Respublikası Atçılıq Federasiyasının (ARAF) təşkilatçılığı ilə Bakıda baş tutan 7-ci arena polo üzrə dünya kubokunun bürünc mükafatçısı müəyyənləşib.

AZƏRTAC xəbər verir ki, bu, İsveçrənin “Evviva Polo Club St. Moritz” komandası olub. İsveçrəlilər “Planernaya Polo Club Moscow” (Rusiya) komandasını 4:2 hesabı ilə məğlub edərək turnirin bürünc mükafatına sahib çıxıblar.

İsveçrəli poloçular ilk oyunda Azərbaycan təmsilçisi “Elite Horse & Polo Club Baku” klubuna 11:3, ikinci görüşdə isə Almaniyanın “Los Nocheros Polo Club Münster” komandasına (9:8) məğlub olublar.

Rusiyalı poloçular ilk turda Almaniyanın “Los Nocheros Polo Club Münster” klubunu məğlub edib - 9:7, ikinci oyunda isə “Elite Horse & Polo Club Baku” komandasına böyük hesabla məğlub olub - 12:1.

Qeyd edək ki, turnirin final görüşü “Elite Horse & Polo Club Baku” və “Los Nocheros Polo Club Münster” komandaları arasında baş tutacaq.

Xatırladaq ki, turnirin oyunları “Elite Horse and Polo Club”da yerləşən meydançada keçirilir.

Gələn il sentyabrın 10-dan 20-dək 8 komandanın iştirak edəcəyi polo üzrə Avropa çempionatı da Azərbaycanda təşkil olunacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.