İQTİSADİYYAT


İsveçrənin “Romandie” qəzeti AÇG üzrə yeni sazişdən yazır

Bakı, 19 sentyabr, AZƏRTAC

İsveçrənin “Romandie” qəzeti Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında düzəliş edilmiş və yenidən tərtib olunmuş Sazişin imzalanmasından yazır.

AZƏRTAC xəbər verir ki, qəzetdə yerləşdirilən məqalədə AÇG üzrə yeni sazişin əhəmiyyətindən bəhs edilir. Qeyd edilir ki, yeni müqavilə Azərbaycan üçün daha əlverişli şərtləri birləşdirir.

Məqalədə bildirilir ki, Böyük Britaniyanın BP şirkəti və Azərbaycan böyük bir yatağın hasilatın pay bölgüsü üzrə düzəliş edilmiş sazişin müddətini 2050-ci ilədək uzadıb. Bakıda keçirilmiş imzalanma mərasimində Prezident İlham Əliyevin çıxışına istinadən qeyd edilir ki, yeni müqavilə özündə Azərbaycan üçün daha əlverişli şərtləri birləşdirir. AÇG-də SOCAR-ın payı 11,6 faizdən 25 faizə qaldırılır. Sərmayədarlar tərəfindən Azərbaycan Respublikası Dövlət Neft Fonduna 3,6 milyard dollar həcmində bonus ödəniləcək.

Vurğulanır ki, yataqlar blokundan ilk neft hasilatı 1997-ci ildə başlayıb və indiyədək 3 milyard barreldən çox neft hasil olunub. Növbəti 32 ildə bu layihəyə 40 milyard dollar investisiya qoyulması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.