DÜNYA


İtaliya Alplarında qar uçqunu nəticəsində 3 turist həlak olub

Bakı, 4 fevral, AZƏRTAC 

İtaliya Alplarında yerləşən Kormayer kurortunda qar uçqunu nəticəsində üç britaniyalı və fransız xizəksürən həlak olub, itkin düşmüş daha bir turistin axtarışı davam edir.

AZƏRTAC BBC-yə istinadla xəbər verir ki, həlak olan xizəkçilərdən iki nəfəri ingilis, biri isə fransızdır. Xilasedicilər burada qar uçqununun altında qalan dördüncü turistin axtarışı işlərini davam etdirirlər.

İtaliya KİV-ləri xəbər verirlər ki, ötən həftə doqquz xizəkçi qar uçqunlarının altında qalaraq həlak olub. “La Repubblica” qəzetinin məlumatına görə, son qurbanların itkin düşməsi xəbərini ingilis turistlərin oteldə qalan dostu verib və bundan sonra axtarış-xilasetmə işlərinə başlanılıb. Bazar günü axtarışa başlayan xilasetmə qrupu yeni qar uçqunu təhlükəsi ilə əlaqədar işləri dayandırmalı olub və bazar ertəsi yenidən davam etdirib.

Böyük Britaniyanın Xarici İşlər Nazirliyinin bəyanatında bildirilir ki, ölkənin rəsmiləri və diplomatik missiyası meyitləri gətirmək üçün həlak olanların ailələri və italyan həmkarları ilə əlaqə saxlayırlar. Bundan başqa, itkin düşmüş xizəkçinin tapılması üçün aparılan axtarış-xilasetmə işləri də diqqət mərkəzindədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.