İDMAN


İtaliya “Ayaks” klubunun 54 azarkeşini geri göndərib

Roma, 16 aprel, AZƏRTAC

UEFA Çempionlar Liqasının dörddəbir final mərhələsinin cavab oyunları çərçivəsində aprelin 16-da keçiriləcək “Yuventus” – “Ayaks” oyununu izləmək üçün İtaliyaya gələn hollandiyalı azarkeşlərdən 54-ü geri qaytarılıb.

AZƏRTAC ANSA agentliyinə istinadla xəbər verir ki, azarkeşlərin geri qaytarılmasına səbəb onların üzərində silah, fişəng və duman bombalarının aşkarlanması olub.

İtaliyanın daxili işlər naziri Matteo Salvini sosial şəbəkədəki paylaşımında deyib: “Heç kim gəlib İtaliyada qarşıdurma sala bilməz. Bizim stadionlarımız və şəhərlərimiz şiddət üçün bağlıdır”.

Xatırladaq ki, iki komanda arasında keçirilən birinci oyun 1:1 hesabı ilə başa çatıb.

 

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.