DÜNYA


İtaliya Nepala 663 min 600 doza “Vaxzevria” peyvəndi bağışlayıb

Roma, 27 yanvar, AZƏRTAC

İtaliya Nepala COVID-19 infeksiyası əleyhinə 663 min 600 doza “Vaxzevria” (“AstraZeneca”) peyvəndi göndərib.

AZƏRTAC xəbər verir ki, bu barədə İtaliyanın Xarici İşlər və Beynəlxalq Əməkdaşlıq Nazirliyinin dövlət katibi Manlio Di Stefano deyib.

“İtaliya pandemiya ilə mübarizə üçün çoxtərəfli mexanizmin yaradılmasını dəstəkləyən ilk ölkələrdən biri olub, 385 milyon avro və 45 milyon doza peyvəndlə COVAX proqramına öz töhfəsini verib. İtaliya qlobal səviyyədə COVID-19 pandemiyasına qarşı mübarizədə ön sıralarda qərarlaşıb və səylərini daha da artırmaq öhdəliyinə sadiqdir. Qlobal miqyasda peyvənd boşluğunun aradan qaldırılması ölkəmizin prioritetlərindəndir”, - deyə Manlio Di Stefano bildirib.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.