DÜNYA


İtaliya hökuməti ailədə üçüncü uşağa görə torpaq sahəsi verməyi planlaşdırır

Roma, 3 noyabr, AZƏRTAC

İtaliya hökuməti ölkədəki aşağı doğum səviyyəsini yüksəltməyə yönəlmiş yeni plan çərçivəsində üçüncü uşağı olan ailəyə ödənişsiz təsərrüfat sahəsi təklif etmək niyyətindədir.

Yerli KİV-lərin yaydığı məlumata görə, İtaliyanın yeni büdcə layihəsinə daxil edilən bu təklif 2019-2021-ci illər aralığında üçüncü uşaq dünyaya gətirən valideynlərə dövlətə məxsus kənd təsərrüfatı torpaqlarının 20 illik müddətə verilməsini nəzərdə tutur.

Həmçinin onlara verilən torpaq sahəsi yaxınlığında ev almaq istəyən ailələr 200 min avroyadək faizsiz kredit imkanından faydalana biləcəklər.

Bu təklifdən yararlanmaq istəyən əcnəbilər isə İtaliya ərazisində ən azı 10 il yaşamalıdırlar.

 

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.