DÜNYA


İtaliya polisi 15 il gizlənən cinayətkar qruplaşmanın başçısını həbs edib

Bakı, 27 noyabr, AZƏRTAC

İtaliyanın Neapol şəhərinin karabinyerləri 2003-cü ildən axtarışda olan yerli kamorra cinayətkar qruplaşmasının başçısı Antonio Orlandonu həbs edib.

AZƏRTAC xarici KİV-lərə istinadla xəbər verir ki, 60 yaşlı Orlando ölkənin axtarışda olan ən təhlükəli cinayətkarlarından biridir. İtaliya qanunlarına görə, ağır cinayətlərdən biri sayılan mafiya strukturu yaratmaq ittihamı ilə onun həbsinə 2 dəfə qərar verilib.

Polisin məlumatına görə, Orlando 3 müstəqil qrupdan ibarət kamorra klanına rəhbərlik edib. Bu klan Neapolun şimal ətrafında fəaliyyət göstərib.

O, İtaliyanın cənubuna böyük həcmdə narkotik vasitələrin çatdırılmasına nəzarət edib. Mərakeşdən gətirilən tonlarla ağırlığında yüksək keyfiyyətli həşiş narkotik bazarında “ayfon” markası ilə tanınır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.