İQTİSADİYYAT


İtaliya şirkəti ilə energetika sahəsində əməkdaşlıq barədə müzakirələr aparılıb

Bakı, 28 iyun, AZƏRTAC

Energetika naziri Pərviz Şahbazov İtaliyanın “Ansaldo Energia” şirkətinin baş icraçı direktoru Guiseppe Marinonun rəhbərlik etdiyi nümayəndə heyəti ilə görüşüb. Görüşdə şirkətlə energetika sahəsində əməkdaşlığın mövcud vəziyyəti və gələcək perspektivləri müzakirə edilib.

Nazir Azərbaycanda enerji keçidi istiqamətində görülən işlər, “yaşıl enerji” layihələri və “yaşıl elektrik” ixracı planları haqqında danışıb. Ölkəmizdə təbii qazın elektrik enerjisi istehsalı ilə enerji resurslarının şaxələndirilməsi istiqamətində vacib rolunu qoruduğu bildirilib. Qeyd edilən bütün sahələrdə özəl şirkətlərlə əməkdaşlığın prioritet istiqamətlərdən olduğu vurğulanıb.

Baş icraçı direktor Cuzeppe Marino isə şirkətin fəaliyyəti, başa çatdırılmış qlobal layihələri və son illərdə əldə edilmiş uğurları haqında məlumat verib, ənənəvi elektrik stansiyaların qurğu və avadanlıqlarının təbii qazla yanaşı hidrogen istifadəsi üzrə modifikasiyası istiqamətində nailiyyətləri barəsində danışıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.