DÜNYA


İtaliyada 12 yaşdan yuxarı əhalinin 90 faizinə hər iki doza peyvənd vurulub

Roma, 6 may, AZƏRTAC

İtaliyada indiyədək COVID-19 infeksiyası əleyhinə 137 milyon dozadan çox peyvənd tətbiq edilib.

AZƏRTAC xəbər verir ki, 2020-ci il dekabrın 27-dən etibarən aparılan vaksinasiya kampaniyası çərçivəsində bu vaxtadək ölkədə 137 milyon 3 min 135 doza peyvənd vurulub. Birinci doza peyvənd qəbul edənlərin sayı 49 milyon 380 min 543 nəfər (12 yaşdan yuxarı əhaliyə nisbəti 91,46 faizdir), peyvəndlərini tamamlayanların sayı 48 milyon 608 min 772 nəfərdir (peyvənd olunanların 12 yaşdan yuxarı əhaliyə nisbəti 90,03 faizdir).

Keçən il sentyabrın 20-dən etibarən isə ümumilikdə 39 milyon 386 min 241 doza əlavə peyvənd tətbiq olunub.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.