DÜNYA


İtaliyada Fiatın məşhur “500” modelinin elektrik versiyası istehsal ediləcək

Roma, 8 dekabr, AZƏRTAC

“Fiat Chrysler” avtomobil şirkəti İtaliyada Fiatın məşhur “500” modelinin elektrik versiyasını istehsal edəcək.

AZƏRTAC xəbər verir ki, kompakt görünüşə malik avtomobil ölkənin cənubunda Turin şəhərinin “Mirafiori” sənaye bölgəsində istehsal olunacaq.

Şirkətin baş direktoru Mayk Menli və Avropa üzrə rəhbəri Pyetro Qorilyer 2019-2021-ci illərdə 5 milyard avrodan çox investisiya yatırtmaqla İtaliyada 13 yeni avtomobil modeli istehsal ediləcəyini söyləyiblər. Fiatın “500” modelindən başqa, “Alfa Romeo Stelvio SUV” və “Jeep Compass” avtomobillərinin istehsalına da start veriləcəyi bildirilir.

Şirkət dizel mühərriki ilə işləyən avtomobillərin istehsalını dayandırmaq niyyətindədir.

 

Asiman Əsədov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.