DÜNYA


İtaliyada Qərbi Nil virusuna yoluxanların sayı 100-ə çatır

Roma, 5 avqust, AZƏRTAC

İtaliyada yay fəslinin əvvəlindən bəri Qərbi Nil virusuna 100-dək yoluxma faktı qeydə alınıb.

AZƏRTAC xəbər verir ki, İtaliya Ali Səhiyyə İnstitutunun məlumatına görə, ölkədə Qərbi Nil virusuna yoluxanların sayı 94-ə yüksəlib.

Bildirilib ki, ötən həftə virusa yoluxma sayı əvvəlki həftələrlə müqayisədə iki dəfədən çox artıb. Yoluxucu xəstəlik olan Qərbi Nil virusu əsasən ölkənin şimal bölgələrində yayılıb.

İndiyədək bu virusa yoluxan 7 nəfərin öldüyü açıqlanıb.

Qeyd edək ki, virusa yoluxanların təxminən 80 faizində heç bir əlamət olmadığı halda, təxminən 20 faizində hərarət, halsızlıq, ürəkbulanma-qusma, baş ağrısı, əzələ ağrısı kimi simptomlar müşahidə edilir.

Qərbi Nil virusuna yoluxma faktlarına daha çox Afrika, Avropa, Yaxın Şərq, Şimali Amerika və Qərbi Asiyada rast gəlinir.

Nihad Budaqov

AZƏRTAC-ın xüsusi müxbiri

Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.